Coquillards de Villon Index du Forum

Coquillards de Villon
Forum de discussion des Coquillards de Villon et des passionnés de reconstitution médiévale

 FAQFAQ PortailSite internet   RechercherRechercher   MembresMembres   GroupesGroupes   S’enregistrerS’enregistrer 
 ProfilProfil   Se connecter pour vérifier ses messages privésSe connecter pour vérifier ses messages privés   ConnexionConnexion 

Statuts des étuves - 1398

 
Poster un nouveau sujet   Répondre au sujet    Coquillards de Villon Index du Forum -> Sources et documentations -> Sources diverses
Sujet précédent :: Sujet suivant  
Auteur Message
Lorien


Hors ligne

Inscrit le: 25 Oct 2013
Messages: 222
Masculin
Point(s): 214
Moyenne de points: 0,96

MessagePosté le: Lun 20 Jan - 16:35 (2014)    Sujet du message: Statuts des étuves - 1398 Répondre en citant

STATUTS DES ETUVES DE 1398


Livres des couleurs-livre vermeil viel, fol. 238-240.

Sentence du Châtelet contenant les statuts et reglemens pour les estuves

A tous ceulx qui ces lettres verront, Jehan seigneur de Folleville chevalier conseiller du Roy notre Sire et garde es la prevosté es Paris commissaire et general refformateur sur le fait es la policie et gouvernement es la ville es Paris et mestiers d’icelle, salut. Comme entre les cures et sollicitudes que nous avons au gouvernement desdits mestiers, ce soit de tousjours refformer de bien en mieulx les ordonnances, registres et statuts faits sur iceulx, et de nouvel il soit venu a notre congnoissance par la supplication des maistres jurez ordonnez et commis de par le Roy notre Sire sur le fait des visitations et ordonnances des estuves es Paris, que il estoit bon et expedient que l’ancien registre de leurs dits mestiers fait l’an M CCCLXXI par feu notre predecesseur Messire Hugues Aubriot et paravant eux corigé, et que a icelui ancien registre pour aucunes causes et motifs à nous sur ce baillez (pareseuigor) par iceulx jurez feussent points aucuns points et articles que ils avoient advisez ensemble estre bons et prouffitables pour le Roy notre Sire et la chose publicque ;

Savoir faisons que vu de nous icelles supplication et les motifs dont dessus est faicte mention ; veues aussy certaines informations faite de notre commandement par nos amez messeigneurs Guillaume Cerveau procureur du Roy notre Sire audit Chastellet et Auber delaporte de par icelui seigneur a ce commis es nous tant sur le contenu en leur dite requeste comme desdits motifs. Eue aussy consideration à la diversification des temps, des estats et es manieres du vivre qui sont a present et ceulx qui estoient au temps que lesdits anciens statuts, registres furent faitz sur lesdits mestiers. Estant veu et consideré ce qui faisoit à voir et à considérer, et qui mouvoir nous povoit et devoit en ceste partie, Et surtout advis, conseil et deliberations avecques advocats, procureur et autres conseillers du Roy notre Sire au dit Chastellet de Paris. Nous, en corrigeant et en adjoustant à iceluy ancien registre par la deliberation que dessus dite et sur ledit mestier avons faict, advisé et ordonné pour le bien et utilité de la chose publicque les points et articles qui s’ensuivent.

Premierement que aucuns soient hommes ou femmes ne pourront tenir estuves en la ville es Paris se ils ne sont gens es bonne vie, renommée et honneste conversation.

Item que aucun estuveur qui tient ou tiendra estuves à hommes ne pourra faire chauffer icelles estuves pour femmes. Ne contraire aussi aucun estuveur ou estuveresse destinez à femmes ne pourront faire chauffer estuves pour hommes à es sous peine de quarante sols parisis d’amende à applicquer, c’est assavoir, les deux parts au Roy notre Sire et l’autre partie aux jurez dudit mestier.

Item que aucun estuveur ou estuveresse de la ville es Paris ne pourra doresenavant faire chauffer ses estuves de dimanche ou feste d’apostre sur la peine que dessus.

Item que aucun estuveur ou estuveresse à estuves de la ville es Paris ne pourra faire ne faire faire ou les esbaings en places secrettes, c’est assavoir en chambre à part ne ailleurs que es places publicques à ce ordonnées et accoustumées, se ce n’estoit pour femmes de grant honneur auquel cas icelui estuveur ou estuveresse seroient et seront tenu de faire avoir et obtenir premierement congié et licence de nous ou du procureur du Roy à es sur la peine que dessus.

Item que aucun estuveur ou estuveresse en la ville es Paris soit de estuver à hommes soit de estuver à femmes ne laissera ou souffrira a bordeler ne tenir borddeau esdites estuves soit de maistre, dame, chambriere , varlet ne autres quelconques, estrangierz ou privez sus la dicte peine.

Item que nul ne nulle ne seuffre estuver esdites estuves tant a hommes comme a femmes mezeau ne mezelles, Juifs ou Juifves sus pareille peine.

Item que aucun estuveur ou estuveresse ne pourra mettre aucunes mauvaises eaues en estuves sur ladicte peine de quarante sols à applicquer comme dessus.

Item que aucun estuveur ou estuveresse ne pourra faire chauffer estuves devant le jour, sinon aux veilles des quatre festes solempnelles à es sus peine de dix solz parisis d’amende à apllicquer comme dessus.

Item que aucun maistre ou maistresse, varlet ou chambriere ne pourra demourer en estuves que huit jours, sans faire le serment de garder les secrets accoustumez audit mestier sus la peine de dix solz.

Item que les dits estuveurs ou estuveures de Paris ne souffriront aucuns enfans maslees au dessus es l’aage de sept ans aller aux estuves des femmes sur semblable peine de dix sols à applicquer comme dessus.

Item avons ordonné et ordonnons que chascune personne qui se vouldra estuver à estuves à hommes sans baigner payera pour les estuves six deniers parisis et (I) denier pour le draps en quoy il se enveloppera se aulcuns veuls et non plus.

Item se un homme se estuve et puis se baigne seul en une cuve, l’estuveur ou estuveresse qui celui administrera pourra prendre et demander pour son silence et service es baings et estuves, oreillers, cuevrechiefs et enveloppes seize deniers parisis et audessoubz.

Item se deux hommes se estuvent et puis se baignent ensemble en une cuve ils ne payeront se il ne leur plaist pour baing et estuves oreillers cuevrechiefs et enveloppes que seize deniers parisis ne plus ne leur pourra demander ledit estuveur ou estuveresse sus peine de l’amende et à appliquer comme dessus.

Item pour chascun drap commun qui ne contiendra en largeur que lé et demy l’en payera un denier et non plus.

Item que pour chascun drap de deux lez à mettre en lit, l’en payera deux deniers parisis et non plus, ne plus n’en pourront demander ne prendre sinon par courtoisie les estuveurs et estuveresses de Paris sous la peine dessusdite.

Les registres anciens faits au regard des estuves aux femmes nonobstant les presens statuts desrogeans à iceulx anciens registres demourant tousjours en leur premier estat.

Tous les quels points et articles dessus declerez, nous voulons et ordonnons estre tenus et gardez doresenavant sans enfraindre par les estuveurs et estuveresses de Paris à es sur les peines dessus devisées, sauf et à nous reservé toutes voyes, dediminuer, adjouter ou augmenter aux registres selon la diversité et disposition des temps, par deliberation de Conseil, comme de raison sera. En tesmoing de ce nous avons fait mettre à ces lettres le sceel es la prevosté es Paris. Ce fu fait en jugement au Chastellet de Paris le mardy XI jour es fevrier l’an mil CCCiiiiXXxviii.
Collationné à l’original, rendu a sceler
Courtois estuveur demouran au Bouvethibouss le vendredy xxvi è jour de fevrier l’an CCCiiiiXXxix.


Revenir en haut
Publicité






MessagePosté le: Lun 20 Jan - 16:35 (2014)    Sujet du message: Publicité

PublicitéSupprimer les publicités ?
Revenir en haut
Montrer les messages depuis:   
Poster un nouveau sujet   Répondre au sujet    Coquillards de Villon Index du Forum -> Sources et documentations -> Sources diverses Toutes les heures sont au format GMT + 2 Heures
Page 1 sur 1

 
Sauter vers:  

Index | créer un forum gratuit | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB © 2001, 2005 phpBB Group
Traduction par : phpBB-fr.com